Këngëtarja shqiptare me famë botërore, Rita Ora, është kritikuar nga fansat për promovimin e një skanimi MRI pa rrezatim 2,499 dollarë, të cilin ‘shumica dërrmuese e njerëzve nuk mund ta përballojnë’.

Këngëtarja, 33 vjeçe, u kritikua pasi iu nënshtrua një skanimi novator Prenuvo, i cili siguron zbulimin e hershëm për më shumë se 500 kancere dhe sëmundje.

Rita, nëna e së cilës Vera më parë luftoi me kancerin e gjirit, tha se do të bëjë gjithçka që mundet për të mbajtur veten të shëndetshme.

Duke ndarë fotot e saj përpara se t’i nënshtrohej skanimit, Rita shkroi: “Me historinë e kancerit të gjirit të nënës sime, të qenit proaktive dhe jo reaguese me shëndetin fizik ka qenë gjithmonë kaq e rëndësishme për mua.

Unë besoj shumë për të bërë gjithçka që mundem për të mbajtur veten të shëndetshëm dhe për të mësuar për trupin tim. Kështu së fundmi shkova te @prenuvo për të bërë një skanim të plotë të trupit.

Megjithatë, Rita mori kritika të ashpra nga fansat të cilët theksuan se skanimi do të përdoret më së shumti nga ‘të pasurit’ dhe jo njerëzit e zakonshëm.

Një përdorues i “Instagram”-it shkroi: “Sa kushtoi kjo?! Ne të vdekshmit e thjeshtë ndoshta nuk mund ta përballonim atë luks”.

Një tjetër shtoi: “Uau, reklamimi i skanimeve proaktive për të pasurit dhe të privilegjuarit, një MRI e trupit të plotë është diçka që shumica dërrmuese e njerëzve nuk mund ta përballojnë. Pyes veten nëse keni paguar për skanimin tuaj?”.

Një i tretë shkroi: “Kjo është e mrekullueshme Rita, por sa e përballueshme është kjo për njerëzit e zakonshëm? Ndoshta nuk është as i aksesueshëm për publikun e gjerë”.

Një tjetër shkroi: “Fansat tuaj nuk mund ta përballojnë këtë, por është e mirë për ju, apo jo?”.

Kim Kardashian më parë u kritikua për promovimin e të njëjtit skanim tek ndjekësit e saj në “Instagram”.