Thuhet se Rita Orës do i duhet që të ndjekë karantinën e rreptë 14 ditore në hotelin ku do të qëndrojë në Australi, kur të nisin xhirimet për “The Voice of Australia”.

Sipas “Daily Mail”, këngëtarja e famshme me origjinë shqiptare do të niset në kontinentin australian muajin e ardhshëm, për angazhimet e saj si njëra nga gjyqtaret e versionit australian të konkursit të këngëve.

Ky vendim për 30-vjeçares vjen pasi u quajt “egoiste” nga policia për thyerjen e rregullave anti-Covid që bëri me organizimin e një feste të paligjshme në një restorant në Londër.

Një burim i tha “The Sun”: “Është padyshim pak e mërzitshme por ajo e di se do të duhet ta bëjë këtë ashtu si të gjithë të tjerët”.

“Ajo është e lumtur për të filluar punën në ‘The Voice’ por askush nuk do ta lejojë ta bëjë atë derisa të kryejë karantinën”, kanë shtuar burimet.

Burimi pohoi se Rita do të shkojë direkt në një hotel pas uljes dhe do të izolohet për dy javë me gjërat e sjella në dhomën e saj.