Mesfushori i Spanjës, Rodri dha një intervistë për AS, para finales së Evropianit ndaj Anglisë. Mesfushori i Manchester Cityt është optimist se Spanja mund ta mposht Anglinë në finalen e ditës së diele.

“Unë i njoh mirë ata, e njoh kulturën e futbollit anglez. Ata kanë një ekip shumë të talentuar, kanë lojtarë shumë të talentuar që menaxhojnë të gjitha aspektet e lojës. Ata mbrojnë mirë, dinë të sulmojnë, kanë një lojë të mirë. Ne duhet të punojmë se si ti ndëshkojmë. Kemi armët tona dhe sigurinë që mund ti mposhtim”, ka thënë Rodri.