Ambasadori i Gjermanisë në Kosovës, Jorn Rohde, ka thënë se kompanitë kanë nevojë për kushte paqësore dhe të besueshme për investime në rajon.

Ai përmes një postimi në “Twitter” ka shkruar se edhe të njëjtin shqetësim e ndan edhe kryetarja e Shoqatës Gjermane të Biznesit Lindor, Cathrina Claas-Muhlhauser.

“Kompanitë kanë nevojë për kushte kornizë paqësore dhe të besueshme. Lexoni më poshtë një artikull të Kryetares së Shoqatës Gjermane të Biznesit Lindor, pse kompanitë gjermane në rajon janë gjithnjë e më të shqetësuara për tensionet në rritje midis Kosovës dhe Serbisë”, ka shkruar Rohde.

Ndërsa Asociacioni Gjerman i Biznesit Lindor ka shprehur shqetësimet në lidhje me situatën e tensionuar në veri të Kosovës.

Kryetarja e këtij asociacioni, Cathrina Claas-Muhlhauser, ka bërë thirrje për t’i dhënë fund tensioneve ndërmjet Kosovës dhe Serbisë.

"Companies need peaceful and reliable framework conditions."
Read below an article of the Chairwoman of the German Eastern Business Association, why 🇩🇪 companies in the region are increasingly concerned about the growing tensions between 🇽🇰 and 🇷🇸
DEU: https://t.co/JTCM3VzBsN 1/2

— Ambassador Jörn Rohde (@GermanAmbKOS) June 23, 2023