Ambasadori i Gjermanisë në Kosovë, Jorn Rohde, ka shpërndarë postimin e shefes së re të diplomacisë evropiane, Kaja Kallas, ku ka treguar për takimin me kryeministrin Albin Kurti, dhe presidentin serb, Aleksandër Vuçiq.

“Pikërisht. Ashtu siç ka thënë kancelari gjerman, Olaf Scholz në vitin 2022 gjatë vizitës së tij në rajon: Vetëm ata kandidatë që njohin njëri-tjetrin mund të anëtarësohen në BE”, ka shkruar ambasadori gjerman.

Këtë Rohde e ka thënë pasi Kallas ka shkruar në “X”, se rruga e vetme për anëtarësim në BE është normalizimi i marrëdhënieve mes Kosovës dhe Serbisë, në bazë të marrëveshjes së Ohrit.