Roma e konsideron trajnerin e Leipzigut, Julian Nageslmann, si njërin prej kandidatëve kryesorë për ta zëvendësuar Paulo Fonsecan, shkruan “La Repubblica”.

Gazeta italiane njofton se familja Friedkin, menaxheri i përgjithshëm Tiago Pinto dhe këshilltari Charles Gould, po punojnë që ta sjellin atë në krye të ekipit, nëse Fonseca dështon ta sigurojë vendin që dërgon në Ligën e Kampionëve sivjet.

Edhe pse Roma e ka siguruar çerekfinalen në Ligën e Evropës dhe është ekipi i vetëm nga Italia në një garë evropiane, puna e Fonsecas te Roma nuk është e sigurt.

Nagelsmann është ende 33-vjeçar dhe ka kontratë me Leipzigun deri në vitin 2023. Ai pati statistika mbresëlënëse me Hoffenheimin, ndërsa Leipzigut iu bashkua në vitin 2019.