Roma thuhet se ka identifikuar tre përforcime për afatin kalimtar të janarit: një mbrojtës të majtë, një mbrojtës të djathtë dhe një qendërsulmues.

Roma do të kërkojë të përforcojë skuadrën e saj në afatin kalimtar të dimrit pas një pjese të parë shumë zhgënjyese të sezonit, ku ata ndërruan tre trajnerë: Daniele De Rossi, Ivan Juric dhe Claudio Ranieri.

Sipas mediumit Il Corriere dello Sport, Giallorossët do të kërkojnë një mbrojtës të djathtë, një të majtë dhe një qendërsulmues.

Mbrojtësi i majtë në mënyrë ideale do t’i japë Ranierit një rezervë për Angelinon, duke qenë se Samuel Dahl ende nuk është gati të garojë për një vend titullari dhe ka grumbulluar vetëm 41 minuta futboll në Serie A.

Giallorossët kanë edhe më pak opsione në të djathtë, ku Zeki Celik ka luajtur tashmë 1.496 minuta. Reprezentuesi turk nuk ishte as titullar sezonin e kaluar, por Saud Abdulhamid – ashtu si Dahl – ka dëshmuar të jetë larg standardeve të kërkuara për të marrë kohë të rregullt për të luajtur në kryeqytet.

Roma do të ketë nevojë gjithashtu për një rezervë për golashënuesin e saj më të mirë, Artem Dovbyk, pasi Eldor Shomurodov është aktualisht opsioni i vetëm tjetër i Ranierit për pozicionin e qendërsulmuesit.