Cristiano Ronaldo me dy gola të realizuar, ia ka siguruar fitoren Real Madridit në ndeshjen kundër Eibarit.

“Mbretërit” kaluan në avantazh në pjesën e parë përmes portugezit që realizoi në minutën e 34-të, ndërsa vendasit me të filluar pjesa e dytë u përkujdesën për barazimin e rezultatit.

Gjashtë minuta para fundit të takimit në skenë doli Ronaldo, i cili me një goditje me kokë siguroi pikët e plota.

Me këtë fitore Reali tubon 57 pikë në pozitën e tretë, katër më shumë se Valencia në pozitën e katërt.