Cristiano Ronaldo ka konfirmuar se ai do të qëndrojë në Juventus ndërsa agjenti i tij Jorge Mendes po bën presion për një zgjatje të kontratës edhe për një vit.

Kontrata e Ronaldos në “Allianz Stadium” skadon në qershor të vitit 2022 dhe e ardhmja e tij në Torino duket se do të ishte në dyshim pas fundit të sezonit 2020-21.

Paris Saint-Germain dhe Manchester Unitedi thuhet se ishin të interesuar të mirëpresin shërbimet e tij, megjithëse ata e bënë të qartë se nuk mund të përputheshin me pagën e tij aktuale prej 31 milionë eurosh në vit.

As Juventusi dhe as Ronaldo nuk kanë marrë ende oferta zyrtare. Prandaj 36-vjeçari duket i destinuar të qëndrojë në klub, të paktën deri në fund të sezonit. Sipas mediumit “La Gazzetta dello Sport”, ish-ylli i Real Madrid ka informuar klubin e tij se do të kthehet në Continassa më 25 korrik për të filluar stërvitjet para-sezonale.

Ronaldo aktualisht është me pushime pas Euro 2020, ndërsa Massimiliano Allegri filloi punën e tij të dytë si trajner i Juventusit dy ditë më parë. Gazeta italiane raporton se agjenti i Ronaldos, Jorge Mendes po bën presion për një zgjatje të kontratës për një vit, por Juventusi nuk e ka diskutuar atë ende.

Të dy palët mund të hyjnë në bisedime lidhur me zgjatjen e kontratës së Ronaldos kur Presidenti i Juventusit, Andrea Agnelli, të kthehet nga pushimet.