Cristiano Ronaldo është qortuar për mos mbajtjen e maskës duke e shikuar nga tribunat ndeshjen e Portugalisë në Ligën e Kombeve të shtunën mbrëma.

Sulmuesi i Juventusit nuk u paraqit kundër Kroacisë për shkak të një infektimit në gishtin e madh të këmbës dhe e shikoi ekipin e vet kombëtar duke e korrur një fitore bindëse 4:1.

Joao Cancelo, Diogo Jota, Joao Felix dhe Andre Silva shënuan për t’ia siguruar një fitore të lehtë Portugalisë. Kjo ishte fitorja e nëntë në 10 ndeshjet e fundit për Portugalinë.

Gjatë ndeshjes, një zyrtare e stadiumit iu afrua Ronaldos për t’ia kujtuar se duhej ta vendoste maskën në përputhje me protokollin e koronavirusit. Edhe pse u duk i pakënaqur me shqetësimin, Ronaldo u bind dhe e vendosi maskën dhe e shikoi pjesën e mbetur të ndeshjes me maskë në gojë.

Ronaldo forgot to wear his mask in the stands tonight and one brave lady wasn't having it 😷 😅

🎥: @Esp_Interativopic.twitter.com/O1eNOWII8z

— GOAL (@goal) September 5, 2020