Drejtori ekzekutiv i Human Rights Watch (HRW), Kenneth Roth, ka shkruar rreth rrëzimit të qeverisë së udhëhequr nga Albin Kurti. Në një shkrim në “Twitter” ai shkruan se administrata e presidentit të ShBA-së, Donald Trump, mbështeti rrëzimin e kryeministrit Albin Kurti për të cilin shumë menduan se ishte “shansi i tyre i vetëm për ta shpëtuar vendin nga liderët e korruptuar”.

“Në padurimin e saj për të mbështetur dikë që mund të arrinte një marrëveshje paqeje me Serbinë, administrata Trump mbështeti rrëzimin e kryeministrit të Kosovës, Albin Kurti, për të cilin shumë menduan se ishte shansi i tyre i vetëm për ta shpëtuar vendin nga liderët e korruptuar”, shkruan Roth.