Kapiteni i Kosovës, Amir Rrahmani nëpërmjet një postimi në “Facebook”, ka falënderuar tifozët për mbështetjen, derisa ka theksuar se ëndrra për kualifikim në “Euro 2020” vazhdon në mars ndaj Maqedonisë.

“Faleminderit të gjithëve për përkrahjen, ëndrra jonë vazhdon në muajin mars ku kemi gjysmëfinalen me Maqedoninë, por para saj e kemi të dielën ndeshjen e rëndësishme që t’i tregojmë të gjithëve që nuk jemi të lehtë për asnjë kundërshtar. Faleminderit Kosovë”, ka shkruar Rrahmani.