Bartësi i listës së Koalicionit për Familjen, Eman Rrahmani, ka publikuar një fotografi në “Facebook” nga ceremonia e inaugurimit të presidentit amerikan, Donald Trump.

Ai ka thënë se me krenari përfaqëson vlerat dhe parimet e këtij koalicioni për të forcuar lidhjet me aleatin tonë më të madh, Shtetet e Bashkuara të Amerikës.

“Familja, tradita dhe vlerat konservatore janë themeli ynë! Ky është një hap domethënës në rrugëtimin tonë për të mbrojtur identitetin dhe të ardhmen e kombit tonë”, ka shkruar Rrahmani në “Facebook”.

Postimi i plotë i Rrahmanit:

NGA CEREMONIA E MARRJES SË DETYRËS NGA PRESIDENTI TRUMP

Kauza Jonë:

🔴 “Mashkull dhe femër”, vetëm dy gjini, PIKË 👏👏

Jam i nderuar që isha i pranishëm në këtë ceremoni madhështore të marrjes së detyrës nga Presidenti Donald Trump. Një moment historik dhe një atmosferë e jashtëzakonshme!

Me krenari përfaqësoj vlerat dhe parimet e Koalicionit për Familjen, për të forcuar lidhjet me aleatin tonë më të madh, Shtetet e Bashkuara të Amerikës.

Familja, tradita dhe vlerat konservatore janë themeli ynë! Ky është një hap domethënës në rrugëtimin tonë për të mbrojtur identitetin dhe të ardhmen e kombit tonë.