“Duam të mbahemi mend si heronj”. Mbrojtësi i Napolit, Amir Rrahmani, ka dashur ta motivojë Napolin në pritje të ndeshjes për titull kundër Milanit, që do të luhet të dielën në stadiumin Maradona, një rast që duhet shfrytëzuar në maksimum në luftën për titull. Si trajneri Spalletti, ashtu edhe mbrojtësi Rrahmani, nuk kanë dashur të zhbalancohen në lidhje me luftën për titull.

“Nuk duam ta përmendim akoma fjalën titull sepse jemi të vetëdijshëm se është akoma herët për të folur për këtë. Tifozëve u them se edhe ne si ata kemi një ëndërr dhe një objektiv të madh për të arritur. Dhe fakti që kemi një javë në dispozicion për t’u përgatitur mund të jetë një gjë pozitive për ne. Duam të mbahemi mend si heronj, siç ka thënë Spalletti. Do ta provojmë deri në fund”, ka thënë Rrahmani për radion “Kiss Kiss Napoli”.

Skuadra e Amir Rrahmanit, Napoli, kryeson Serinë A me pikë të barabarta me Milanin dhe të dielën do të provojë të fitojë dhe ta nisë arratisjen. “Me Milanin do të provojmë të mos pësojmë gola. Ky është një objektiv thelbësor për ne mbrojtësit dhe për portierin. Me Lazion ka qenë një fitore e rëndësishme për të vazhduar të qëndrojmë lart në renditje. Të gjitha ndeshjet janë të rëndësishme tani dhe mund të jenë 4/5 skuadra në luftë për titullin. Edhe Atalanta me Juventusin mund të hyjnë në garë. Gjithçka mund të ndodhë”, ka shtuar Ancelotti.