Mbrojtësi i Përfaqësueses së Kosovës në futboll, Amir Rrahmani është përshtatur mjaft mirë te Napoli, duke e “blinduar” pozitën e titullarit. Madje, ai hyri në formacionin e muajit në Serie A, falë paraqitjeve mbresëlënëse.

Mbrojtësi Rrahmani ka folur për mediat italiane duke përmendur të kaluarën, të tashmen dhe synimet që ka me Napolin.

“Gjithmonë kam thënë që po të isha italian do të kishin folur të gjithë për mua. Me sa duket kombi im nuk është i famshëm për futbollin, do të thotë që duhet të punoj akoma më shumë që të detyroj kritikët të më ndjekin”, ka thënë Rrahmani.

“Unë jam trashëgimtari i Koulibaly? Është një përgjegjësi e madhe sepse Koulibaly është Koulibaly. Ai është lideri. Por nëse do të ndodhte, nuk do të kishte probleme. Kur rritem, përgjegjësitë rriten dhe prandaj jam gati. Për mua do të ishte një privilegj”, ka deklaruar Rrahmani.