Policia e Kosovës për rajonin e Prizrenit ka thënë për gazetën online Reporteri.net se i dyshuari për rrahjen brutale të gruas, rast i cili u publikua me video nëpër rrjetet sociale, është arrestuar dhe ndaluar për 48 orë.

“Posa është parë videoja, hetuesit e stacionit policor të Prizrenit kanë ndërrmarë veprimet hetimore dhe kanë identifikuar të dyshuarin dhe viktimën. Policia ka lokalizuar të dy, të cilët i ka shoqëruar në stacionin policor”, ka thënë zëdhënësi Shaqir Bytyqi.

“Janë intervistuar të dy nga hetuesit e dhunës në familje”, ka shtuar ai.

“Policia ka informuar prokurorin e shtetit dhe është vepruar në bazë të udhëzimeve të tij. Pas intervistimit të dyshuarit në prezencën e avokatit nga prokurori është lëshuar vendim mbi ndalimin për 48 orë për të. Viktima është njoftuar për të drejtat e saj”.