Madonna është sot një prej këngëtareve më të pasura, por e kaluara e saj ka qenë komplet një tjetër realitet.

Nëpërmjet një postimi në llogarinë e vet në “Instagram”, ajo ka treguar se dikur nuk kishte para as të blinte fustane të reja dhe ishte detyruar që t’i qepë vetë.

“Motra ime Paula dhe unë në ditën e diplomimit në shkollë të mesme! I qepëm vetë fustanet nga skicat e ‘Butterick’. Më vinte kaq turp që nuk kishim mundësi të blinim fustane në dyqane. Nga ana tjetër, më vjen mirë që mësova si të qep me makinë qepëse. Vini re: As dekolte, as gjunjë të ekspozuar! Babi Ciccone ishte shumë strikt!”, ka shkruar Madonna.

Më herët ajo ka treguar se gjatë kohës që ishte në shkollë ka pozuar nudo dhe me paratë e fituara ka paguar qiranë e banesës.