Janë ndeshjet e fundit të sezonit të rregullt dhe skuadrat po bëjnë maksimumin për të hyrë në zonën “play-off”. Kampionët në fuqi të Golden State po rrezikojnë të jenë mes gjashtë më të mirëve pas humbjes që pësuan në fushën e Denver Nuggets.

Kryesuesit e Konferencës së Perëndimit fituan 112-110, duke lënë pas dy humbjet e fundit dhe mbajtur kreun. Ishte një përballje e ekuilibruar deri në fundin e saj. Edhe pse pa Jokiq, skuadra vendase arriti të fitojë falë 29 pikëve të Porter dhe 25 të Murray. Po në këtë konferencë, erdhi fitorja e tretë radhazi për Los Angeles Lakers, që mundën me rezultat 134-109 Houston Rockets jashtë fushe. Davis me 40 pikë ishte lider në parket për kalifornianët, ndërsa LeBron James realizoi një “triple double”, 18 pikë, 10 rebound dhe 11 asistim.

Në Lindje, në krye të renditjes qëndron Milwaukee Bucks, që mundi 117-104 Philadelphian, dy ekipe rivale në NBA. Maxey me 29 pikë e Embiid me 28 nuk arritën t’i japin fitoren Philadelphia, ndërsa për Bucks u dallua i zakonshmi Antetokounmpo me 33 pikë e 14 rebound.

Rezultatet

Charlotte – Toronto                  108-128
Brooklyn – Utah Jazz               111-110
Chicago – Memphis                  128-107
Minnesota – Portland               105-107
Atlanta – Dallas                         132-130

New York – Washington          118-109
Orlando – Detroit                      128-102
Sacramento – San Antonio      134-142
Houston – Lakers                      109-134
Oklahoma – Phoenix                118-128

Cleveland – Indiana                 115-105
Milwaukee – Philadelphia       117-104
Denver – Golden State             112-110