Ministria e Mbrojtjes së Sllovakisë, ka bërë me dije se gjatë stërvitjeve është rrëzuar një avion “Mig-29”, i prodhuar nga sovjetikët.

Ministria ka thënë se piloti arriti që të dalë nga avioni pak kohë para rrëzimit.

Avioni ushtarak u rrëzua në afërsi të qytetit Nitra, që gjendet rreth 100 kilometra në lindje të Bratislavës.

Ministria e Mbrojtjes ka thënë se piloti është dërguar në spital, duke shtuar se gjendja e tij është stabile dhe jashtë rrezikut për jetë.

Pas këtij incidenti, Sllovakia ka vendosur që të ndalojë fluturimin e “Mig-29”, derisa të përfundojë hetimi lidhur me shkaqet e rrëzimit të avionit më 28 shtator.

Më 2018, Sllovakia nënshkroi një marrëveshje për të blerë 14 avionë ushtarakë të tipit F-16 nga një komani me seli Shtetet e Bashkuara, pasi dëshiron që të zëvendësojë avionët e kohës sovjetike, që aktualisht ka.

Avionët e parë F-16 pritet të arrijnë në Sllovaki më 2022.