Kandidati i AAK-së për kryetar të Komunës së Podujevës, Besnik Tahiri, ka njoftuar se ekipit të tij për fitoren në Podujevë i është bashkangjitur Dardan Kosumi, magjistër i Psikologjisë së Fëmijëve dhe Sportit.

Tahiri përmes një postimi në llogarinë e vet në “Facebook”, ka shkruar se në analizën për programin, Dardani dhe ekipi do të angazhohen në pesë segmente kyçe: funksionalizimi i programeve edukative/rekreative në qendrën rinore; fushat multi-funksionale në zonat zhvillimore; krijimin i hapësirave multi-funksionale në fshatra për edukim dhe sport dhe inovacionin dhe teknologjinë në shkolla.

“Dardani, është brezi i dytë i një familje që ka kontribuuar gjatë në edukim. Ai do të jetë pjesë e ekipit për edukim dhe rini, njëherësh kandidat për asamble komunale”, ka shkruar Tahiri.

Postimi i plotë i Tahirit:

Dardan Kosumi, nga fshati Ballofc, Magjistër i Psikologjisë së Fëmijëve dhe Sportit. Për disa vite ka shërbyer psikolog sportiv për disa ekipe në Maqedoni, pastaj për KF “Llapi” për disa sezona dhe sportist idividual duke treguar rezultate të larta. Ai është trajner i licencuar nga FFK – UEFA aktualisht e ushtron këtë profesion.
Dardani, është brezi i dytë i një familje që ka kontribuuar gjatë në edukim. Ai do të jetë pjesë e ekipit për edukim dhe rini, njëherësh kandidat për asamble komunale.
Në analizën për programin, Dardani dhe ekipi do të angazhohen në pesë segmente kyçe: funksionalizimi i programeve edukative/rekreative në qendrën rinore; fushat multi-funksiknale në zonat zhvillimore; krijimin i hapësirave multi-funksionale në fshatra për edukim dhe sport dhe inovacionin dhe teknologjinë në shkolla.
Aktualisht, ekzistojnë një numër ekipesh e iniciativash të pastrukturuara, qoftë në fushën e inovacionit/teknologjisë; klubeve sportive; qendrave të trajnimit; dhe vetë qendra rinore, të shkëputura nga sistemi edukativo-sportiv pa përkrahje e pa bashkëpunim.

Dardani, do të ndërlidhë potencialin e iniciativave kreative me institucionet, duke bërë që secili fëmijë e i ri, të ketë mundësinë e hapësirën për marrjen e shkathtësive, ndjekjen e trendëve dhe inovacionit. Funksionalizimi i qendrës rinore dhe hapësirave (këndeve) në secilin fshat, do të ofrojë mundësi që potenciali i rinisë të rritet në funksion të zhvillimit.