Ministrja e Arsimit, Shkencës, Teknologjisë dhe Inovacionit (MAShTI), Arbërie Nagavci, ka pritur të enjten në takim të ngarkuarin me punë në Ambasadën e Japonisë në Kosovë, Ogasawara Mitsunori, me të cilin ka biseduar për mundësitë e bashkëpunimit në arsim.

Nagavci e ka falënderuar Mitsunori për ndihmën që ka dhënë Japonia për Kosovën, e në veçanti për mundësinë që ua ka dhënë studentëve të Kosovës që përmes bursave të studiojnë në universitetet japoneze.

Sipas një njoftimi të MAShTI-it, ministrja Nagavci e informoi ambasadorin Mitsunori për planet e qeverisë që synojnë ta përmirësojnë gjendjen në të gjitha nivelet e arsimit, teksa ka theksuar se do të ishte i rëndësishëm bashkëpunimi me shtetin japonez në këtë drejtim.

Ndërsa i ngarkuari me punë në Ambasadën e Japonisë në Kosovë, Ogasawara Mitsunori, ka theksuar se është i kënaqur që interesimi i studentëve kosovarë për të studiuar në Japoni është rritur, prandaj theksoi se do të shikohen mundësitë për të rritur edhe numrin e bursave.

Në këtë takim, ministrja Nagavci dhe Mitsunori janë dakorduar që të punojnë për të krijuar mundësi të reja bashkëpunimi në arsim mes Kosovës dhe Japonisë