Ekspertë të sigurisë kibernetike kanë lëshuar alarmin mbi mundësinë që rrjeti 4G të shfrytëzohet nga hakerat për të dëmtuar telefonat, por edhe më tepër.

Universiteti Purdue dhe Universiteti i Iowa-s kanë treguar se kanë gjetur disa pika të dobëta dhe të cenueshme në protokollin e përdorur nga 4GLTE, të cilat mund të shfrytëzohen nga hakerat, deri në kontrollin e plotë të pajisjes.

Kështu, mund të përgjojnë telefonatat, mesazhet e dërguara dhe të marra përmes të gjitha aplikacioneve, të dërgojnë thirrje emergjence të rreme, të çorientojnë lokalizuesin e deri tek fikja e telefonit.
Ekspertët e përfshirë në këtë analizë kanë deklaruar se kanë mundur që të hakojnë 8 nga 10 pajisje me teknologjinë 4G, por refuzojnë të japin më shumë detaje për rrugën e ndjekur, deri në momentin, që sipas tyre ky problem i këtij rrjeti të rregullohet.