Arif Molliqi

1.

Te Verrat e Llukës

këtë të diel nuk mbahet Kuvendi i Pajtimit

do të mbahen gara të qenve…

“Ngjarje e rëndësishme

Të argëtohet populli…”*

mos harroni se rruga deri aty

tashmë ka ndryshuar

është një rrugë tjetër

që të çon në “Kuvendin e Qenve”

që lehin gjithë ditën

pas eshtrave

që i ka hedhur kasapi

e pyeta Komisionin për Emërtimin e Rrugëve

pse ka ndodhur kjo

më thanë

pyet anëtarët e Komisionit

që janë historianë

intelektualë

pyet Shoqatën e Qenve…

sepse është kohë

kur shoqëria mbarësohet me analfabetë

e askush nuk e di

kush i shumëzon gënjeshtrat

e kush i shton mashtrimet

2.

Verrat e Llukës nuk e  harrojnë vitin 1990

kur atë ditë erdhi fillimi i guximit

e fundi i heshtjes

kur në një lendinë mes dy brigjeve

vdiq frika…

atë ditë dikush u lut

tjetri dha kushtrimin

duke e trembur kohën e fjetur

___________________

* Rrahman Dedaj