Rruga nacionale Gjakovë-Tropojë ka marrë emrin e kongresistit amerikan dhe mikut të shqiptarëve, Eliot Engel.

Në Qafë Morinë, kufirin në mes të Gjakovës e Tropojës, ku ishte i pranishëm Eliot Engeli, presidenti Ilir Meta, përfaqësues të familjes Jashari, Rifat Jashari, kryetari i Gjakovës, Ardian Gjini dhe ai Tropojës, Besnik Dushaj, është mbajtur ceremonia me rastin e emërtimit të kësaj rruge.

Presidenti i Shqipërisë, Ilir Meta, ka thënë se emri i Eliot Engelit është i gdhendur në zemrat e të gjithë shqiptarëve kudo që ndodhen.

Ndërsa kongresisti amerikan, Eliot Engel, ka thënë se për të është kënaqësi të shoh kur emërohet diçka me emrin e tij.

Ai ka theksuar se miqësia në mes të popullit amerikan dhe shqiptarëve do të jetë e përjetshme.

Kongresisti Engel ka thënë se ShBA-ja, Shqipëria e Kosova si aleatë qëndrojnë përkrahë lirisë e demokracisë.