Shkruan: Reshat RESHITAJ

Mezi të rritëm bir

Në skamje e varfëri

Shpesh herë të zuri gjumi

Bukë në gojë pa shti…

Të varfër ishim ne,

Të pasur nuk jemi as tani!

Ehhh me sa vështirësi

Mbarove shkollën ti…

Të gjithë u gëzuam për ty

Unë, mami por edhe daja

Atë ditë që u diplomove

Vetëm në përqafim të mbaja!

Epo, thash me vete

Kësaj radhe dhe ne shpëtuam

Djali shpejt do të punësohet

Dhe vuajtjet sikur i mbaruam.

Por ja që doli ndryshe

Sërish po jetojmë në mjerim

Djalin që mezi e rrita

Sot po e nis për mërgim!!!

“Rrugë e mbar o bir…”

Me sy të përlotur i thash:

“Më fal, o bir më fal…

Në këtë gjendje që të lash…”

Suharekë 27.01.2020