“Ne do të shohim se cila është përgjigja e tyre. Nëse përgjigja e tyre është po, atëherë ne e dimë se kemi bërë përparim të vërtetë dhe ka një shans real për paqe. Nëse përgjigja e tyre është jo, do të ishte shumë për të ardhur keq dhe do t’i bënte të qarta qëllimet e tyre”, u ka thënë  Rubio gazetarëve në Irlandë.

Ai gjithashtu i ka kërkuar Rusisë t’i japë fund të gjitha armiqësive.

Komentet e Rubios kanë ardhur pasi administrata Trump ka hequr pezullimin e ndihmës ushtarake dhe shkëmbimit të inteligjencës për Ukrainën dhe Kievi sinjalizoi se ishte i hapur për armëpushim në luftën me Rusinë, raporton “Associated Press”.

Vendimi i administratës Trump ka shënuar një ndryshim të mprehtë nga vetëm një javë më parë, kur ka vendosur pezullimin në një përpjekje të dukshme për të shtyrë presidentin ukrainas, Volodymyr Zelensky të hyjë në bisedime për t’i dhënë fund luftës me forcat pushtuese ruse.