Pas shumë e shumë vitesh kontribut te klubi basketbollistik, Prishtina, Fisnik Rugova nuk do të jetë më në klubin ku e nisi edhe karrierën.

Kjo është njoftuar nga faqja zyrtare e KB Prishtinës në rrjetin sociale, Facebook.

Rugova fitoi shumë trofe së bashku me Prishtinën, ndonëse në vitin e fundit nuk arriti ndonjë sukses me klubin nga kryeqyteti.

“Ne si klub Fisit i dëshirojmë shëndet së pari e shumë suksese në vazhdimin e karrierës së tij”, thuhej ndër tjera në postimin e KB Prishtinës.

Njoftimi i plotë i KB Prishtina:

Faleminderit Fisnik Rugova

Pas shumë e shumë vitesh kontribut në Prishtinë, Fisnik Rugova nuk do të jetë më në klubin ku nisi dashurinë e parë për basketbollin.

Fisi me Prishtinën e Prishtina me Fisin kanë fituar gjithçka që mund të fitohet në basketboll.
Andaj, ne si klub Fisit i dëshirojmë shëndet së pari e shumë suksese në vazhdimin e karrierës së tij.

Fisnik Rugova #7 do të jetë gjithmonë njëri nga ne.

Faleminderit Fis!

#HajdePrishtinë