Emin Z. Emini

kur s’kemi pas’ ujë nër gurra

me gurra gjaku vaditun t’kemi

kur s’kemi pasë kulloshtër nër kroje

eshtnat me t’i ngrohë

kafshatën fëmive ua kemi ‘da goje

barut me ble

sa herë sekush gurtë me t’i çartë vendit

me t’i nxjerrë mundue ásht

në rrasë të vorrit ka shtrue krye e asht

kur s’kemi mujt me trupat tonë t’shkurtuem me t’mprue

ndonji rremb kur ta kan’ currue

në djepa të kanë përkund’ zanat e malit

po kurrë prej teje kurrë

dorë hjek s’kemi

e serta e djeguna

jona rugovë dhe e zotit