Rusët kundër pushtimit të Ukrainës, mbi 1 milion qytetarë nënshkruajnë peticionin
01 mars 2022
| 14:56
Rusët kanë nisur një peticion kundër luftës në Ukrainë duke mbledhur më shumë se një milion firma, sipas “CNN”-it.
Aktivisti i të drejtave të njeriut Lev Ponomarev ka nisur një peticion, që ka mbledhur mbi 1 milion firma që nga pasditja e të martës. Personat që kanë nënshkruar peticionin përfshijnë akademikë, artistë, gazetarë, muzikantë dhe ekonomistë.
Figura të njohura të mediave ruse, duke përfshirë autorin dhe gazetarin Mikhail Zygar dhe regjisorin e dokumentarëve Yury Dud, i cili ka mbi 5 milionë ndjekës në “Instagram” kanë bërë gjithashtu thirrje për t’i dhënë fund luftës në Ukrainë.