Forcat ruse kanë sulmuar ndërtesën e Kryqit të Kuq në qytetin e rrethuar dhe të shkatërruar të Mariupolit, ka njoftuar të mërkurën Kievi zyrtar.

“Në Mariupol, pushtuesit kanë goditur ndërtesën e Komitetit Ndërkombëtar të Kryqit të Kuq”, ka thënë avokatja e Popullit të Ukrainës, Lyudmyla Denisova.

Në deklaratën e postuar në rrjetet sociale, ajo ka bërë me dije se ndërtesa është goditur nga sulme ajrore dhe artileri.

Qyteti-port i Mariupolit është i rrethuar nga forcat ruse dhe afër 160 mijë civilë vlerësohet se kanë mbetur të bllokuar, pa pasur qasje në ujë të pijshëm, ushqim dhe furnizime të tjera elementare.