Rusia pritet të dërgojë 169 sportistë në Lojërat Olimpike Dimërore, që do të mbahen në Pyeonchang, por jo edhe sportistët më të mirë.

Nënkryetari i Komitetit Olimpik Rus, bëri të ditur se në këtë listë mungojnë sportistë të njohur si Viktor Ahn, Anton Sgipulin, Kesina Stolbova, Fedor Klimov.

Arsyeja e mospërfshirjes në listën për Lojërat Dimërore ka të bëjë me dyshim për doping të sportistëve rusë, transmeton KTV.

Drejtuesit e Komitetit Olimpik Rus, kanë bërë të ditur se janë duke planifikuar të organizojnë një konkurs alternativ për të zëvendësuar sportistë të cilët mund të mungojnë në Lojërat Olimpike Dimërore.