Ukraina është sërish nën sulm nga dronët rusë, thonë zyrtarët, pas dy ditësh sulmesh të mëdha ajrore nga të dyja palët.

Ka raportime për shpërthime në Kiev dhe Kharkiv, ku kryebashkiaku tha se ndërtesat e banimit ishin në flakë.

Moska është kundërpërgjigjur kundër sulmeve të Ukrainës në qytetin kufitar rus të Belgorodit të shtunën, ku u vranë të paktën 22 persona.

Kjo erdhi pasi Rusia kreu sulme në të gjithë Ukrainën të premten.

Këto sulme, të cilat vranë të paktën 41 njerëz, u përshkruan nga Kievi si bombardimi më i madh raketor i Rusisë në luftë deri më tani.

Sulmet e fundit ndodhën kur Ukraina hyri në ditën e saj të fundit të vitit 2023, raporton BBC, transmeton Klankosova.tv.

Sistemet e mbrojtjes ajrore të Ukrainës në rajonin përreth kryeqytetit Kiev u angazhuan të shtunën vonë për të zmbrapsur një sulm me dron rus, tha administrata ushtarake e rajonit në Telegram.

Sulmet me dronë dhe raketa janë raportuar në qytetin verilindor të Kharkiv.

Guvernatori i rajonit tha të dielën se 28 persona ishin lënduar pasi të paktën gjashtë raketa goditën qytetin pranë kufirit me Rusinë gjatë natës.

Ministria e Brendshme e Ukrainës raportoi gjithashtu dëme në 12 blloqe banesash, 13 shtëpi, spitale, një ndërtesë hoteli, një kopsht fëmijësh, objekte tregtare, një tubacion gazi dhe makina në Kharkiv.