Mbrojtja ajrore ruse zmbrapsi një sulm masiv me dron ukrainas gjatë natës, duke përgjuar dhe shkatërruar 121 dronë që synonin 13 rajone, përfshirë Moskën, tha të premten Ministria e Mbrojtjes e Rusisë, duke mos përmendur për viktima apo dëme.

Ministria tha se gjashtë dronë ishin shkatërruar mbi rajonin e Moskës dhe një mbi vetë kryeqytetin, ndërsa dronët e tjerë kishin shënjestruar rajone të tjera, duke përfshirë ato që kufizohen me Ukrainën dhe Kurskun, ku trupat ukrainase mbajnë një pjesë të tokës, pavarësisht përpjekjeve ruse për t’i nxjerrë ato.

Njëzet dronë kishin shënjestruar gjithashtu rajonin Ryazan, në juglindje të Moskës, tha ministria, dhe kanalet në aplikacionin e mesazheve Telegram postuan video të paverifikuara të asaj që blogerët atje përshkruan si flakë të mëdha në qytet. Ata thanë se një depo e magazinimit të naftës dhe një termocentral ishin goditur.

Reuters nuk mundi t’i konfirmonte këto raportime.

Pavel Malkov, guvernatori rajonal i Ryazanit, tha në Telegram se shërbimet e urgjencës po trajtonin pasojat e një sulmi ajror, shkruan Reuters, transmeton Klankosova.tv