Sistemet ruse të mbrojtjes ajrore kanë rrëzuar dy raketa të dielën, kanë zyrtarët rusë, një mbi gadishullin e aneksuar të Krimesë dhe një tjetër mbi rajonin jugor të Rostovit të Rusisë që kufizohet gjithashtu me Ukrainën.

Një raketë lundrimi është rrëzuar pranë qytetit të Kerçit në gadishullin e Krimesë, pa shkaktuar dëme apo viktima, ka shkruar guvernatori i instaluar nga Rusia, Sergei Aksyonov, në aplikacionin e mesazheve “Telegram”.

Ai nuk ka specifikuar se nga ishte lëshuar raketa.

Krimea është aneksuar nga Rusia nga Ukraina në vitin 2014, por njihet ndërkombëtarisht si pjesë e Ukrainës.

Zyrtarët lokalë kanë thënë se lëvizja e trafikut në urën e Krimesë që lidh gadishullin me kontinentin rus u rivendos pas një pezullimi të dukshëm. Nuk është dhënë asnjë arsye për ndalimin e trafikut.

Në një rast tjetër, mbrojtja ajrore ka rrëzuar një raketë ukrainase në rajonin Rostov të Rusisë, ka thënë guvernatori Vasily Golubev në “Telegram”, shkruan “BBC”.