Ramë Bashota

Një vashë asgjë s’më dha

Dhe asgjë tjetër unë s’jap

Veç shpirtin në daç më tha

Kudo do të më gjesh ti prapë

Po as unë asgjë s’të marr

Kështu i thashë dhe më tha

Derisa të shkeli unë në varr

Zgjidhje tjetër për ne nuk ka

Kështu zemrës m’i sjell tmerr

S’e di ajo, shpirti nuk është i saj

Zoti vjen një ditë shpirtin ia merr

Sa më dhimbset do ta gjejë në vaj

25. 06. 2018

(Nga libri “Dhimbjet s’i merrte askush”, botuar nga “Armagedoni”, 2019)