Sabit Geci, ish-komandant i Ushtrisë Çlirimtare të Kosovës, ka komentuar deklaratat e ish-këshilltarit të kryeministrit Albin Kurti, Shkëlzen Gashit, në lidhje me UÇK-në.

Gashi në llogarinë e vet në “Facebook”, ka shkruar se lufta e UÇK-së ka qenë ë pastër si loti dhe se njerëz si Gashi nuk duhet të kenë vend në institucionet e Kosovës.

“Me duket e papranueshme dhe e palogjikshme të diskutohet se a ka bërë UÇK-ja krime apo nuk ka bërë. Unë ju kam thënë dhe do t’ju them për një gjë që e kam parë dhe e kam përjetuar, se lufta e UÇK-së ishte e pastër si loti”, ka shkruar Geci.

Postimi i plotë i Gecit:

Në jetën time unë si Sabit Geci asnjëherë nuk jam marrë me politikë dhe as që me intereson fare kjo çështje,sepse qëllimi im dhe i shokëve të mi për çlirimin e Kosovës është arritur. Mua personalisht me intereson vetëm qe Kosova të ecë përpara dhe të bëhemi shtet shembull, sepse ky vend në çdo cep të tij është larë me gjakun e dëshmorëve, burrave, grave, pleqve e fëmijëve.

Me duket e papranueshme dhe e palogjikshme të diskutohet se a ka bërë UÇK-ja krime apo nuk ka bërë. Unë ju kam thënë dhe do t’ju them për një gjë që e kam parë dhe e kam përjetuar, se lufta e UÇK-së ishte e pastër si loti.

Kur thuhet se koha tregon të vërtetën,i besoj shumë kësaj thënie dhe dëshiroj që shumë shpejt të dalin në shesh të gjithë ata “tipat” e padukshëm që janë brenda institucioneve dhe punojnë kundër shtetit të Kosovës, sepse ata na dëmtuan shumë në të gjitha aspektet.

Unë personalisht vuajta shumë dhe akoma jam duke vuajtur nga plagët e marra nga kriminelët serbë dhe kam të drejt ta mbrojë ashtu si edhe e mbrojta kur ishte koha, po ashtu edhe të gjithë ata që kanë gjak shqiptari. E të gjithë ata “persona” si Shkëlzen Gashi të mos kenë vend ne institucionet e vendit, por as në shoqëritë tona!

Jam i habitur,por as nuk mund ta bind veten se si kryeministri ta bëjë një këshilltar të tillë dhe tani kur kemi pritur që të ngritët zëri për të zhdukurit, masakrat, dhunimet, në TV tona diskutohet për “krimet” e UÇK-se. TURP!!!