Opinionisti Ermal Sadiku sonte në emisionin “Rubikon” në Klan Kosova ka folur në lidhje me bisedën telefonike mes Shefes së Grupit Parlamentar të Lëvizjes Vetëvendosje, Mimoza Kusari-Lila dhe terroristit serb, Milan Radoiçiq.

Sadiku është shprehur se biseda e Kusarit me Radoiçiqin në aspektin politik nuk ka asgjë të keqe, por siç tha ai, është e tmerrshme ideja se çka është proklamuar nga qeveria.

“Unë mendoj që bisedimi i znj.Kusari me Radoiçiqin në aspektin politik nuk ka asgjë të keqe, por është e tmerrshme ideja se çka është proklamuar prej qeverisë se çka po ndodh edhe në fakt çka ka ndodh”, tha ai.

Sadiku foli edhe për deklarimin e Kurtit në lidhje me këtë çështje, duke thënë se ajo çka tha kryeministri, ishte pikërisht ajo që pritej, derisa Sadiku u shpreh edhe se kjo gjë nuk mendon se ia lë shenjë Kurtit.

“Kurti është fantastik në këto vallëzimet në gjuhë politike, unë mendoj se pikërisht pse është aq i mirë ai në këto biseda është edhe pse sot e ka përkrahjen e gjysmës së shtetit, se nuk është që e ka për ndonjë punë të hatashme që është duke ndodhur. Fjalimi i tij ishte pikërisht identik se çka është pritur prej kryeministrit, pikërisht me vallëzu nëpër përgjigje, me u nxjerr nga situate. Nuk mendoj që ia lënë shenjë”, u shpreh tutje ai.