![](https://www.epokaere.com/wp-content/uploads/2018/11/2A48B7CF-BC10-4376-BA64-91807241CCB6.jpeg)
Sahatqija: SHBA në mbështetje të Kosovës për anëtarësim në Interpol
Teuta Sahatqija, konsulle e përgjithshme e Kosovës në New York ka falënderuar ambasadoren e Shteteve të Bashkuara në OKB, Nikki Haley për mbështetjen e SHBA-ve për anëtarësimin e Kosovës në Interpol.
Sahatqija ka falënderuar po ashtu të gjitha ato shtete që mbështesin Kosovën për anëtarësim në Interpol.
“Misioni i Kosovës në New York organizoi pritjen dhe prezantimin e kandidatures së Kosovës në Interpol. Ambasadorja e SHBA-së prane KB Shkelqesia e saj Nikki Haley na nderoi me fjalimin e saj të fuqishëm duke kërkuar votën PRO Kosovës më 20 nëntor në Dubai. Prezent ishin shumë ambasadorë dhe diplomatë të huaj. Falenderim i posaçëm diplomatëve tanë Albana Bylykbashi dhe Butrint Ymeri për gjithë organizimin dhe logjistikën e përkryer”, ka shkruar Sahatqija në llogarinë e saj në “Facebook”.