Mohamed Salah ka rezultuar sërish pozitiv për COVID-19, ka njoftuar Federata e Futbollit të Egjiptit, duke nënkuptuar se ai do të vazhdojë të jetë i vetëizoluar.

Federata egjiptiane njoftoi më 14 nëntor se ylli i Liverpoolit i cili ishte pa simptoma, ka rezultuar pozitiv për virusin korona.

Tashmë, është bërë e ditur se Salah ka rezultuar sërish pozitiv në testin e sotëm.

Kjo nënkupton se Salah do t’i mungojë Liverpoolit në sfidën e fundjavës ndaj Leicester Cityt të dielën.