Në prag të ndeshjes kualifikuese për “Euro 2024”, skuadra e Francës ka pësuar një humbje të madhe.

Trajneri Didier Deschamps të hënën ka marrë lajmin e keq se mbrojtësi i Arsenal, Williams Saliba, nuk do të jetë e kombëtares së “gjelave” për ndeshjen ndaj Holandës.

Kjo sfidë do të luhet më 13 tetor në Holandë. Saliba u lëndua në ndeshjen që Arsenal fitoi 1-0 ndaj Manchester City.

Në vendin e tij, Deschamps ka grumbulluar mbrojtësin e Nices, Jean-Clair Todibo, që do të jetë në stol. Franca kryeson Grupin B eliminator me 15 pikë të plota pas pesë ndeshjeve të luajtura deri më tani, duke mos pësuar ende asnjë gol në këto eliminatore. Ndaj dhe mungesa e Saliba është e rëndësishme për kombëtaren franceze.