![](https://www.epokaere.com/wp-content/uploads/2024/09/IMG_0289.jpeg)
Salih Sekiraqa, recidivist me gjoba, kaq e ka dënuar shteti i Kosovës
Një ndër emrat e njohur për organet e rendit, për shkak të të kaluarës së tij kriminale, Salih Sekiraqa ka mbetur i plagosur gjatë të shtënave dhe konfliktit me familjen Gashi, të dielën në Aktash të Prishtinës.
Të dyja grupet të paktën publikisht, konfliktin e filluan në muajin mars të vitit 2024, ku Pajtim Gashi nga grupi “Capat” kishte mbetur i plagosur, ndërsa i dyshuar për këtë ngjarje ishte Shkumbim Sekiraqa, djali i Salih Sekiraqës.
Historik kriminal por me dënime të lehta ka edhe Salih Sekiraqa, babai i Shkumbimit.
Njëra është për lëndim të rëndë trupor i akuzuar bashkë me një person tjetër, ndërsa tjetra për armëmbajtje pa leje.
“Me datë 23.01.2020 është mbajtur seanca fillestare ku të akuzuarit nuk e kanë pranuar fajësinë. Gjykata ka dhënë afat prej 30 ditësh për ushtrimin e kundërshtimit kundër aktakuzës dhe provave. I pandehuri H.S ka paraqitur kundërshtimin me datë 21.02.2020 ndërsa i akuzuari S.S me datë 26.02.2020. Gjykata do të merr vendim lidhur me kundërshtimet e të akuzuarve dhe varësisht prej vendimit Gjykata do të veprojë mëtutje”, thuhej në njoftimin e Gjykatës Themelore.
Po ashtu, sipas Gjykatës, Sekiraqa është i dënuar edhe 4 herë me gjobë nga divizioni për çështje penale nga Gjykata Themelore në Prishtinë, 2 herë me nga 300 euro, një herë me 250 dhe një herë 1 mijë e 200 euro.