Samadrexha e ka humbur ndeshjen e parë të raundit të dytë të Kupës Evropiane për hendbolliste.

Të shtunën mbrëma në Gaia të Portugalisë, Samadrexha pësoi 42:31 nga skuadra Colegio Gaia/Colgaia-Toyota.

Dallimi në rezultat u bë që në pjesën e parë që përfundoi 20:11 për skuadrën portugeze.

Sevdanur Ozkan i shënoi 12 gola nga 22 tentime për Samadrexhën. Shtatë gola nga nëntë tentime i kishte Mirjeta Dinolli. Fetane Uzunlar i realizoi tri gola nga katër tentime. Tetë pritje i kishte portierja Anisa Sali.

Ndeshja e dytë zhvillohet të dielën nga ora 18:00 në Gaia.