Sami Lushtaku ka thënë se për kandidaturën për kryetar të Skenderajt ka marrë mbështetje qytetare.

Ai përmes një adresimi për opinionin, ka theksuar se për të ia pamundësuar kandidimin e tij është bërë presion nga presidentja Vjosa Osmani dhe kryeministri Albin Kurti mbi organet e drejtësisë, megjithatë Lushtaku ka thënë se më 17 tetor ai do të jetë në krye të qeverisjes në Skenderaj.

“Skenderaj është zemra e UÇK-së dhe zemra e PDK-së. PDK e Hashim Thaçit dhe e Kadri Veselit, as nuk thyhet e as nuk dorëzohet. Skenderaj dhe PDK janë rritur e zhvilluar së bashku, andaj edhe në këto zgjedhje, PDK do të dalë fituese bindëse dhe unë do të jem në krye të qeverisjes, pranë qytetarëve të Skenderajt”, ka deklaruar Lushtaku.