Frigoriferi inovativ revolucionarizon mënyrën e ftohjes me modulin Peltier, i cili kontribuon në përdorimin efikas të energjisë me algoritmin AI, ruajtjen më të gjatë të ushqimeve dhe me më shumë hapësirë brenda.
Samsung Electronics njoftoi se në CES® 2025 do të zbulojë frigoriferët e rinj me teknologjinë AI Hybrid Cooling, të cilët do të jenë gati për shitje në tregjet globale këtë vit. Këta frigoriferë të rinj vijnë me teknologjinë AI Hybrid Cooling, e cila kombinon inteligjencën artificiale me metodat inovative të ftohjes për të përmbushur nevojat e ndryshme të familjeve moderne.
“Meqenëse frigoriferët funksionojnë pa ndalim 24/7, ne vendosëm theksin kryesor në zhvillimin e një sistemi ftohjeje që rrit ndjeshëm efikasitetin e energjisë për përdoruesit,” tha Jeong Seung Moon, EVP dhe Shef i Ekipit të R&D për Biznesin e Pajisjeve Digjitale në Samsung Electronics. “Me prezantimin global të teknologjisë AI Hybrid Cooling, ne po shfaqim përkushtimin tonë ndaj inovacionit teknologjik në pajisjet shtëpiake. Ne do të vazhdojmë të prezantojmë pajisje shtëpiake që përfshijnë teknologji inovative për ta bërë jetën e përditshme të konsumatorëve më të përshtatshme.”
Optimizoni përdorimin e energjisë përmes ftohjes hibride adaptive
Teknologjia AI Hybrid Cooling kombinon një kompresor shumë efikas me një modul Peltier , i cili është një pajisje gjysmëpërçuese që arrin ftohjen duke shfrytëzuar ndryshimin e temperaturës që vjen nga rrjedha e rrymës elektrike. Prezantimi i modulit Peltier mundëson që frigoriferi të funksionojë si një makinë hibride, duke përdorur dy burime energjie së bashku vetëm kur nevojitet për të ftohur në mënyrë efikase pjesën e brendshme të frigoriferit.
Për shembull, kur kërkohet ose parashikohet një kërkesë e konsiderueshme për ftohje – si kur shumë ushqime futen menjëherë në frigorifer pas bërjes së pazareve, ose kur ruani ushqime të nxehta ose nëse është sezoni i nxehtë i verës – frigoriferi aktivizon modulin Peltier së bashku me kompresorin. Megjithatë, në përdorim normal, ai mbështetet vetëm në kompresor për të siguruar efikasitet optimal. Gjatë procesit, algoritmi AI zbulon statusin aktual të frigoriferit dhe parashikon ndryshimet e temperaturës brenda frigoriferit për të rregulluar siç duhet modalitetin e ftohjes.
Kompresori inverter AI me efikasitet të lartë kontribuon gjithashtu në përdorimin efikas të energjisë, falë një dizajni të përmirësuar që rrit rrezen e komponentëve të tij rrotullues. Me inerci 4,1 herë më të madhe në krahasim me kompresorin konvencional F3 të Samsung, ai funksionon më gjatë duke përdorur më pak energji . Duke përdorur një algoritëm AI, kompresori optimizon në mënyrë dinamike shpejtësinë e tij .
Si rezultat i përpjekjeve të vazhdueshme, Samsung planifikon të prezantojë në treg një model që mund të njihet si pajisja më efikase e ENERGY STAR në vitin 2025.
Zgjeroni freskinë me kontroll të saktë të temperaturës
Teknologjia AI Hybrid Cooling rrit freskinë për ushqimet që prishen shpejt me Hybrid Precise Coolinge cila redukton luhatjet e brendshme të temperaturës në frigorifer kur aktivizohet — edhe gjatë cikleve automatike të shkrirjes së pajisjes. Meqenëse shfrytëzon nxehtësinë e mbetur nga moduli i tij Peltier gjatë procesit të shkrirjes, zvogëlon mundësinë e luhatjeve të tepërta të temperaturës që mund të rrezikojnë cilësinë e ushqimit. Si rezultat, ushqimet mund të mbahen më të freskëta për më gjatë. Testet tregojnë se kur Hybrid Precise Cooling është e ndezur , ushqimet e freskëta si mishi i derrit dhe salmoni mund të zgjasin përkatësisht deri në 1.4 herë dhe 1.2 herë, krahasuar me atë kur është i fikur.
Siguroni më shumë hapësirë ruajtëse dhe komoditet të përditshëm
Frigoriferët që përmbajnë teknologjinë AI Hybrid Cooling ripërcaktojnë efikasitetin e hapësirës me një kapacitet mbresëlënës prej 900 litrash , duke ofruar përdorshmëri të përmirësuar duke ruajtur të njëjtat dimensione të jashtme. Duke zëvendësuar elementet tradicionale të ngrohjes me një modul Peltier, kjo gjë lejon më shumë hapësirë të brendshme, duke rezultuar në një rritje prej 25 litrash në kapacitetin e brendshëm. Kjo mundëson rafte 60 mm më të thella dhe një zonë stokimi (ruajtjeje ushqimesh) 13,8% më të madhe , duke akomoduar deri në 240 kanaçe pijesh – 24 më shumë se modelet konvencionale.
Një hap përpara për ftohjen e shtëpisë
Frigoriferët me teknologjinë AI Hybrid Cooling ilustrojnë përkushtimin e Samsung për të kombinuar teknologjinë inteligjente, efikasitetin e energjisë dhe dizajnin me në qendër përdoruesin. Duke bërë debutimin e tij në CES 2025, kjo pajisje inovative është e gatshme të ripërcaktojë jetën moderne në shtëpi dhe të udhëheqë rrugën drejt një epoke të re të zgjidhjeve shtëpiake të aplikuara nga AI.