Teksa Bashkimi Evropian, Shtetet e Bashkuara, Britania dhe Kanadaja kanë bllokuar bankat ruse nga transaksionet ndërbankare (sistemi SWIFT), këta të fundit kanë dalë me një deklaratë ku konfirmojnë zbatimin e masave të reja.

Sistemi ndërkombëtar i pagesave bankare SWIFT ka thënë se po përgatitet t’i zbatojë masat e reja të vendeve perëndimore ndaj disa bankave ruse.

Në një deklaratë thuhet:

Ne po angazhohemi me autoritetet evropiane për të kuptuar detajet e subjekteve që do t’i nënshtrohen masave të reja dhe po përgatitemi të respektojmë udhëzimet ligjore.

Masa vjen pasi SHBA, Kanadaja dhe vendet kryesore evropiane, përfshirë Gjermaninë, ranë dakord të heqin “bankat e zgjedhura ruse” nga sistemi i pagesave Sëift.

Vendimi pritet të ketë një ndikim të rëndësishëm në Rusi dhe më gjerë. Sergei Aleksashenko, një ish-zëvendëskryetar i bankave qendrore të Rusisë, tha se “do të ketë një katastrofë” në tregun rus të monedhës të hënën.

“Unë mendoj se ata do të ndalojnë tregtimin dhe më pas kursi i këmbimit do të fiksohet në një nivel artificial ashtu si në kohën sovjetike,” shtoi ai.