Këshilltarja lokale e Bashkimit Evropian, Kati Schneeberger, ka reaguar pas vrasjes së policit të Kosovës, Afrim Bunjaku, dhe plagosjes së një polici tjetër në veri të vendit nga grupe kriminale.

Schneeberger i tha shefit për Politikë të Jashtme të BE-së, Josep Borrell, dhe emisarit special të BE-së për dialogun Kosovë – Serbi, Miroslav Lajçak, se kjo ndodh kur “luftën kundër krimit e quani provokim dhe e dënoni”.

“Kështu ndodh kur e qetëson Vuçiqin dhe luftën kundër krimit e quani provokim dhe e dënoni. Josep Borrel, Mirsolav Lajçak”, shkroi Schneeberger në Twitter.

Më tej, ajo tha se është koha për ta mbrojtur popullin e Kosovës e jo një autokrat, duke aluduar në Vuçiqin, i cili, sipas saj, po “bën lojëra të rrezikshme”.