Të paktën 251 gazetarë në mbarë botën janë në burg për shkak të punës së tyre, pasi “regjimet autoritare përdorin gjithnjë e më shumë burgimin për të heshtur mospajtimin”, ka thënë Komiteti për Mbrojtjen e Gazetarëve (CPJ).

Anketa vjetore e gazetarëve në burg, e botuar më 13 dhjetor nga mbikëqyrësi i medieve në Nju Jork, gjeti se Turqia, Kina dhe Egjipti ishin përgjegjës për burgimin e më shumë se gjysmës së të gjithë gazetarëve.

Raporti ka theksuar se politika ishte “goditja më e rrezikshme” për gazetarët.

Regjistrimi llogaritë vetëm për gazetarët në paraburgim deri më 1 dhjetor, jo edhe që janë burgosur dhe të liruar gjatë gjithë vitit ose ata që janë zhdukur ose janë mbajtur robër nga grupet jo-shtetërore.

Me numrin e përgjithshëm të gazetarëve të burgosur në 262 në dhjetor 2017 dhe 259 të vitit të kaluar, drejtori ekzekutiv i organizatës, Joel Simon, ka thënë se “sulmi i tmerrshëm global ndaj gazetarëve që është intensifikuar në vitet e fundit nuk tregon shenja të zmbrapsjes”.

“Tiranët që përdorin burgimin për të imponuar censurë nuk mund të lejohen”, ka thënë Simoni.

Përgjegjësia më e madhe e burgosjes së gazetarëve në botë, për të tretin vit radhazi, mbetet Turqia, me të paktën 68 gazetarë të burgosur- të gjithë të akuzuar për veprime kundërshtetërore.

Prej 251 gazetarëve të burgosur në gjithë botën, 70 për qind e tyre mbahen për shkak të akuzave për veprime kundër-shtetërore ndërsa 28 për qind për shkak të “lajmeve të rreme”

Raporti thotë se një rritje e numrit të gazetarëve të burgosur në Kinë ishte rezultat i pjesës së “valës së persekutimit: të Pekinit ndaj minoritetit etnik ujgur në rajonin veriperëndimor të Xinjiang.

“Të paktën 10 gazetarë në Kinë u mbajtën pa akuzë, të gjithë në Xinjiang, ku Kombet e Bashkuara e kanë akuzuar Pekinin për mbikëqyrje masive dhe arrestimin e deri në një milion njerëz pa gjyq”, ka thënë Komiteti për Mbrojtjen e Gazetarëve. /Rel/