Së paku 42 njerëz kanë humbur jetën dhe disa të tjerë mbeten të zhdukur, pas përmbytjeve që përfshinë pjesën perëndimore të Gjermanisë, ka njoftuar policia.

Landet Rajnland Falc dhe Nordrajn Vesthalen janë më të goditurat.

Së paku katër njerëz humbën jetën edhe në Belgjikën fqinje, ndërsa Holanda u godit rëndë po ashtu.

Përmbytjet vijnë pas reshjeve rekorde në disa pjesë të Evropës.

Malu Dreyer, shefe e policisë në landin Rajnland Falc, i përshkroi ato si “katastrofike”.

“Ka të vdekur, të zhdukur dhe shumë njerëz janë ende në rrezik”, tha Dreyer.

“Të gjitha shërbimet tona të urgjencës janë në aksion 24 orë dhe po rrezikojnë edhe jetën e tyre”, tha ajo.

Kancelarja gjermane, Angela Merkel, e cila ndodhet për vizitë zyrtare në SHBA, tha se është “e tronditur nga katastrofa”./rel/