Zëvendësministri i Infrastrukturës, Rexhep Kadriu, i shoqëruar nga këshilltari i ministrit Pal Lekaj, Pjeter Ndou, të martën ka realizuar vizitë inspektuese në punimet në fazën finale të segmentit të autostradës Zahaq-Pejë, për të cilën paralajmëruan përurimin në fund të shtatorit.

Ai ka kërkuar nga kompania e kontraktuar punë kualitative dhe me ritëm dinamik.

Kadriu ka inspektuar edhe punimet në rrugët lidhëse, të cilat janë duke u bërë me standarde të larta.

Me këtë rast u kontrollua edhe temperatura e asfaltit e cila rezultoi brenda parametrave të përcaktuar.

Kjo rrugë është duke u realizuar me tërë infrastrukturën përcjellëse si pahitë mbrojtëse, bankinat anësore, nënkalimet dhe rrethrrotullimet e parapara.

Përfundimi i këtij aksi rrugor, i jep fund zvarritjes së punëve nga qeverisja e kaluar dhe lehtëson qarkullimin qytetarëve të Pejës dhe tërë vendit.

/Epoka e re/