Një kamion me 12 krerë gjedhë është sekuestruar në Vitomiricë të Pejës, të dielën në mbrëmje.

Policia e Kosovës ka njoftuar se rasti është iniciuar si tregti e ndaluar.

“Njësitë policore gjatë patrullimit kanë ndalur një kamion të cilin e drejtonte i dyshuari mashkull kosovar. Gjatë kontrollit i njëjti kishte të ngarkuara rreth 12 copë gjedhë pa dokumente përkatëse. Me vendim të prokurorit rasti shkon në procedurë të rregullt, ndërsa kafshët dhe kamioni janë sekuestruar dhe janë dërguar në stacionin policor deri në verifikim të zyrtarëve të AVUK-it”, ka njoftuar  Policia e Kosovës.